Bu gün Prezident İlham Əliyev Mingəçevirdə tibb işçiləri qarşısında çıxış edib.

Axar.az xəbər verir ki, dövlət başçısı çıxışında son günlərin ən aktual hadisəsi olan manatın ucuzlaşmasından danışıb.

Ölkə başçısı deyib ki, iqtisadiyyatın öz qanunları var. Prezident qeyd edib ki, regionda gedən proseslər Azərbaycana da təsir edir: "Əslində manat əvvəlki səviyyəsinə enib.

Hazırda 1 manat 1 dollar olub. Tapşırıq vermişəm ki, süni qiymət artımına yol verilməsin. Müvafiq qurumlar tərəfindən monitorinqlər keçirilir və süni qiymət artımına gedənlərlə bağlı çox ciddi cəza tədbirləri görüləcək".

Qeyd edək ki, Mərkəzi Bankın İdarə Heyətinin 21 fevral 2015-ci il tarixli qərarı ilə 21 fevral 2015-ci il tarixinə 1 ABŞ dollarının rəsmi məzənnəsi 1,05 manat səviyyəsində müəyyən edilib.