Mərkəzi Seçki Komissiyasının bu gün keçirilən iclasında 9 fevralda keçirilən Milli Məclis seçkiləri ilə bağlı 117 saylı Oğuz-Qəbələ seçki dairəsindən namizəd Ləman İsmayılovanın (Ələşrəfqızının) müraciətinə baxılıb.

Axar.az xəbər verir ki, şikayətlə bağlı danışan MSK katibi Arifə Muxtarova məlumat verib.

Onun sözlərinə görə, namizəd müraciətində səsvermə günü qanun pozuntularının olduğunu bildirib:

“Müraciətlə əlaqədar araşdırma aparılıb, həmçinin, sosial şəbəkələrdəki görüntülərə də baxılıb. Yalnız 3 seçki məntəqəsində pozuntu halları aşkar edilib”.

İclasda daha sonra həmin dairənin 3 seçki (29, 30 və 43 saylı) məntəqəsi üzrə səsvermənin nəticələrinin etibarsız sayılması məsələsi müzakirəyə çıxarılıb və qəbul edilib.

Qeyd edək ki, sözügedən dairənin lider namizədi Aqiyə Naxçıvanlıdır.