Bakıda evə basqın edilib.

Report-un məlumatına görə, hadisə Sabunçu rayonunun Pirşağı qəsəbəsində qeydə alınıb.

Belə ki, naməlum şəxslər qəsəbə sakinləri 63 yaşlı İsgəndərov Əlisgəndər Həmzə oğlu, onun qızı 24 yaşlı Zeynəb İsgəndərova və qohumları 38 yaşlı Bikəxanım Soltanovanın yaşadığı evə hücum edib. Bıçaqla ev sakinlərinə hədə-qorxu gələn cinayətkarlar mənzildən 1200 manat pul, 2 ədəd mobil telefon və qızıl-zinət əşyaları götürərək ərazidən uzaqlaşıblar.

Hadisə barədə Sabunçu Rayon Polis İdarəsi və 15-ci Polis Bölməsinə məlumat verilib. Cinayəti törədən şəxslərin tapılması istiqamətində arxtarışlar davam etdirilir.