Koronavirusun Azərbaycanda yayılması, insanların bu virusa kütləvi şəkildə yoluxması gözlənilmir.

Bu sözləri Axar.az-a açıqlamasında ekstrasens Fərid Zamanlı deyib.

“Dünyada bundan əvvəl də yayılan viruslar var idi ki, onlar da ölkəmizdə kütləvi şəkildə yayılmadı. Buna səbəb xalqımızın mərhəmətli, xeyirxah olmasıdır. Diqqət etsəniz, belə viruslar daha çox insanlara zülüm və pislik edən ölkələrdə yayılır. Amma bizim ölkəmizdə belə şeylər yoxdur”, - deyə ekstrasens bildirib.

F.Zamanlı bildirib ki, insanlar bacardıqları qədər bu xəstəliyi ciddi qəbul etməməlidir:

“İnsanlar çalışsın ki, bu virus haqqında çox düşünməsinlər. Çünki bu virus haqqında düşündükcə, özlərinə mənfi enerji yükləmiş olurlar. Bu da onlarda digər ağır xəstəliklərə yol aça bilər. Ona görə də boş yerə təlaş etmək lazım deyil. Bizdə belə virus gözlənilmir, insanlar rahat ola bilərlər. Ümumiyyətlə, yaxın zamanlarda koronavirus tamamilə yox olub gedəcək”.