"Qarabağ ermənilərinin gələcək nəsilləri (məktəblilər) Xocalıya gətirilməli, onlara orada (yerindəcə) mühazirələr oxunmalıdır".

Axar.az xəbər verir ki, bu açıqlama ilə Erkin Qədirli çıxış edib.

O, Xocalının xarabalıqlarının gələcəkdə açıq soyqırım muzeyi kimi istifadə olunmasının gərəkdiyini deyib:

"Qarabağı qaytarandan sonra, Xocalı şəhərini əvvəlki yerində bərpa etməməliyik. Yaxınlıqda bir yerdə yeni Xocalı şəhəri salınmalıdır. Öncəki Xocalının xarabalıqları olduğu kimi saxlanılmalı, soyqırımın açıq hava muzeyi kimi istifadə olunmalıdır. Qarabağ ermənilərinin gələcək nəsilləri (məktəblilər) oraya gətirilməli, onlara orada (yerindəcə) mühazirələr oxunmalıdır. Necə ki, almanlara nasist dövrünün vəhşilikləri izah olundu, insanların kütləvi şəkildə öldürüldüyü toplama düşərgələri muzey kimi saxlanıldı və sairə. Ədalətli sülh unutqanlıq üzərində deyil, yaddaş üzərində, bəzən hətta qanlı yaddaş üzərində qurulur. Ədalətin də arxasında güc olmalıdır, xüsusilə hərbi güc. Güclü olmalıyıq".