Gənc yazar Əfsanə Əlievanın "Əlifba şəhərciyi" adlı kitabı çap olunub.

Axar.az xəbər verir ki, gənc yazar Əfsanə Əliyevanın "Əlifba şəhərciyi" adlı kitabı işıq üzü görüb. Kitabda müəllifin uşaqlar üçün yazdığı hərflər haqqında şeir və nağılları yer alıb. "Əlifba şəhərciyi" Əfsanə Əlievanın uşaqlara təqdim etdiyi ilk kitabıdır.

Qeyd edək ki, müəllif 2005-ci ildən "Əfsanə Laçın" imzası ilə nağıllar, hekayələr, şeirlər yazır. Bakı Slavyan Universitetinin Yaradıcılıq fakültəsinin məzunudur. 2011-ci ildə "Bir damcı ürək" adlı şeirlər kitabı çap olunub. 2012-ci ildə "Balaca qaya", "Çəmən və bulud" hekayələri Nəsimi Milli Ədəbiyyat Müsabiqəsinin onluğuna düşüb. Milli Kitab Mükafatında "Ən yaxşı uşaq nağılı" nominasiyasının qalibi olub.

Kitabın təqdimat mərasimi martın 1-də saat 14:00-da Kitabevim.az kitab dükanında keçiriləcək. Kiçik oxucularımız xüsusi dəvətlidirlər.