Ana səhifə Gündəm |
"Mən Türkiyənin xarici işlər naziri kimi, həm də
Azərbaycan üçün eyni vəzifəni qürurla aparacam. Bu vəzifəyə təyin
olunanda da mən bunu bildirmişəm".
Publika.az-ın məlumatına görə, bu sözləri
Türkiyənin xarici işlər naziri Mövlud Çavuşoğlu AzTV-də yayımlanan
"Günün nəbzi" verilişinin qonağı olarkən bildirib.
Türkiyəli nazir deyib ki, Azərbaycan və Türkiyə hər zaman
bir-birinə yaxından dəstək olurlar: "Mən daha öncə də daşıdığım
vəzifələrdə, o cümlədən Avropa Şurasında Azərbaycan və Türkiyənin
maraqlarını əsas götürmüşəm, bu istiqamətdə çalışmışam. Prezident
Rəcəb Tayyib Ərdoğan və baş nazir Əhməd Davudoğlunun bizə təlimatı
da bu cürdür. Bu cür yanaşma təkcə məndə deyil, hər birimiz də
olur. Bizim Azərbaycandan olan həmkarlarımızda və dostlarımızda da
var. Xüsusilə də 2015-ci ildə qondarma erməni soyqırımı ilə bağlı
Türkiyə-Azərbaycan əməkdaşlığı uğura davam edir. Yəni, bu həm də
bir zərurətdir. Mən xarici işlər naziri vəzifəsinə təyin olunandan
sonra dostum Elmar Məmmədyarova dedim ki, mən yeni təyin olundum,
sən yorulmusan, get bir az tətilə dincəl. İndi bunu zarafatla desək
də, ancaq gerçəkdən də bu belədir".
Tarix
2015.02.27 / 19:17
|
Müəllif
Axar.az
|