Sabahdan başlayaraq vergi güzəştləri və imtiyazlarının mahiyyəti ictimaiyyətə açıqlanacaq.

Axar.az xəbər verir ki, bu sözləri Azərbaycan Televiziyasında (AzTV) “Hədəf” verilişinin qonağı olan İqtisadiyyat naziri Mikayıl Cabbarov bildirib.

"Burada da əsas məntiq ondan ibarətdir ki, biz ən çox mənfi təsir altında olan sahibkarları, sferaları qoruyaq, onların bu gün əlavə likvidliyinə təzyiq yaratmayaq. İpoteka kreditlərinə dəstək proqramı da var. Bilirsiniz ki, ölkəmizdə İpoteka və Kredit Zəmanət Fondu fəaliyyət göstərir. Qarşımıza qoyulan vəzifələrdən və bizim fəaliyyətimizin əsas hədəflərindən biri olan yalnız qısamüddətli təsirin qiymətləndirilməsi deyil, həmçinin ölkənin orta müddətli yeni iqtisadi çərçivəsinin və yeni iqtisadi şəraitdə təkliflərin hazırlanmasından ibarətdir", - nazir söyləyib.