Speys TV-nin “Sadə həqiqətlər” verilişinin bu dəfəki qonağı infeksionist Cəlal İsayev olub.

Axar.az xəbər verir ki, C.İsayev koronavirusa yoluxan xəstələrin ölüm riskinin yüksək olduğunu bildirib. Həmçinin qeyd edib ki, bu pandemiyaya qarşı mübarizədə həkimlər sınaqdan keçməmiş, başqa xəstəliklərdə istifadə edilən dərmanlardan istifadə edirlər.

C.İsayev həmçinin vurğulayıb ki, yeni koronavirusun 37-ci dərəcədə qısa müddətdə məhv olduğu deyilsə də, bu fakt təsdiqlənməyib. Belə ki, son araşdırmalara görə, yeni növ koronavirusun 37 dərəcə temperaturda belə bir sutkaya qədər yaşadığı, yalnız 56 dərəcədə tələf olduğu aydınlaşıb.

C.İsayevin maraqlı açıqlamalar verdiyi “Sadə həqiqətlər”in bu buraxılışı sabah 22:00-da yayımlanacaq.