Ana səhifə Gündəm |
Xüsusi icazə sistemi ASAN Xidmət tərəfindən icra olunacaq. Bu xidmətə qəbul olunan SMS-lərin cavablandırılması bilavasitə Elektron Hökumət Portalı vasitəsi ilə həyata keçiriləcək.
Axar.az xəbər verir ki, bunu Nəqliyyat, Rabitə və Yüksək Texnologiyalar nazirinin müavini Elmir Vəlizadə deyib. O qeyd edib ki, eyni zamanda, bu sistemdə Daxili İşlər Nazirliyi ilə əlaqəli şəkildə olacaq:
“Yəni vətəndaş SMS göndərdikdən sonra müəyyən bir müddət gözləməlidir. Bir saatdan gec olmayaraq cavab veriləcək. Cavab göndərildikdən sonra artıq həmin məlumatlar DİN-in sisteminə də daxil ediləcək. Vətəndaşlar göndərdiyi SMS-dən yalnız müsbət cavab aldıqdan sonra evdən çıxa bilərlər.
Banka, poçta, mağazaya getmək üçün 2 saat nəzərdə tutulub. Güman edirik ki, bu vaxt da vətəndaşa bəs edəcək. Əgər küçədə polis əməkdaşları yaxınlaşıb, onu yoxlamaq istəsə, buna riayət etmək lazımdır. Polislərin əlində xüsusi qurğularda bilavasitə icazə verilmiş şəxslərin şəxsiyyət vəsiqəsinin nömrəsi göstəriləcək. Vətəndaş da öz şəxsiyyət vəsiqəsini polisə təqdim etməklə bu icazəyə malik olduğunu bildirəcək. Daha sonra asan şəkildə yoluna davam edəcək”.
Tarix
2020.04.04 / 20:14
|
Müəllif
Axar.az
|