"Nabukko" ilə bağlı danışıqlar artıq çoxdan aparılır və burada hər hansı nəticə əldə etmək mümkün deyil".

Axar.az xəbər verir ki, bu açıqlama ilə rusiyalı politoloq Sergey Markedonov çıxış edib.

O, "Nabukko" məsələsində razılığın siyasi problemlər ucbatından alınmadığını bildirib:

"Bu layihənin Rusiya əleyhinə olması qeyd edilsə də, hər şey hələ ABŞ-ın əlində deyil. Məsələn, Obama İranla münasibətlərin dəyişdirilməsi ilə bağlı əmr verə bilməz, çünki Konqres var və onun da məsələyə öz baxış bucağı mövcuddur. "Nabukko" reallaşsa belə, Azərbaycan Avropanın qaza olan tələbatının 10%-ni ödəyə biləcək. Ona görə də Rusiya çətin ki, bu problemin qarşısını almaqdan ötrü hansısa tədbirlər görsün. Burada Dağlıq Qarabağ problemindən də istifadə edilməyəcək. Yəni o, qaynar konfliktə dönməyəcək. Hələlik status-kvo hər kəsə sərf edir".