Ana səhifə Gündəm |
Aprelin 24-də Azərbaycan Xarici İşlər naziri Elmar Məmmədyarovun qarşı tərəfin təşəbbüsü əsasında, Xorvatiya Xarici İşlər naziri Qordan Qrliç Radman ilə telefon danışığı olub.
Xarici İşlər Nazirliyinin mətbuat xidmətidən Axar.az-a bildiriblər ki, nazirlər ikitərəfli əməkdaşlıq münasibətlərinin perspektivlərini müzakirə edərək, yüksək səviyyəli qarşılıqlı səfərlər də daxil olmaqla ikitərəfli siyasi əlaqələrdən məmnunluq ifadə ediblər. Eyni zamanda, iqtisadi-ticarət sahəsində əməkdaşlığın daha da genişləndirilməsinin vacibliyi vurğulanıb.
Tərəflər, həmçinin Azərbaycan-Avropa İttifaqı münasibətləri, Şərq Tərəfdaşlığında iştirak, eləcə də digər beynəlxalq təşkilatlar çərçivəsində əməkdaşlıq məsələləri ətrafında fikir mübadiləsi aparıblar.
Hazırki qlobal vəziyyətə toxunan nazirlər hər iki dövlətin COVİD-19 pandemiyası ilə mübarizə çərçivəsində gördüyü tədbirlər və qarşılıqlı dəstək məsələləri üzrə fikir mübadiləsi aparıblar.
Sonda nazir Elmar Məmmədyarov Xorvatiyalı həmkarını Azərbaycana rəsmi səfər etməyə dəvət edib və nazir Qordan Qrliç Radman dəvəti məmnunluqla qəbul edib. Səfərin vaxtı ümumdünya sağlamlıq böhranı bitdikdən sonra diplomatik kanallar vasitəsilə müəyyən olunacaq.
Tarix
2020.04.24 / 19:09
|
Müəllif
Axar.az
|