"Artıq Azərbaycanda daimi yaşayan vətəndaşlığı olmayan hər bir şəxsə 16 yaşına çatanadək ölkə hüdudlarında istifadə edilməsi üçün şəxsiyyət vəsiqəsini Daxili İşlər Nazirliyi verəcək".

Bunu Axar.az-a "Azərbaycan Respublikasında daimi yaşayan vətəndaşlığı olmayan şəxslərin xüsusi sənədləri haqqında Əsasnamə"yə edilən dəyişikliyi şərh edərkən hüquqşünas Fərhad Mehdiyev deyib. Onun sözlərinə görə, prezidentin müvafiq fərmanı ilə icra hakimiyyəti orqanlarının səlahiyyətlərinin bir qismi DİN-ə həvalə olunub:

"Artıq daimi yaşayan vətəndaşlığı olmayan şəxsi də DİN qeydiyyata alacaq. Bundan əlavə, vətəndaşlığı olmayan şəxslərə xaricə təhsil, müalicə məqsədi ilə getmələri üçün şəxsiyyət vəsiqəsi DİN tərəfindən veriləcək".

Qeyd edək ki, ötən gün Prezident İlham Əliyev "Azərbaycan Respublikasında daimi yaşayan vətəndaşlığı olmayan şəxslərin xüsusi sənədləri haqqında" Əsasnamənin təsdiq edilməsi barədə" Azərbaycan Respublikası Prezidentinin 1998-ci il 13 mart tarixli 684 nömrəli Fərmanında dəyişikliklər edib.