Ötən gün Türkiyə Prezidenti Rəcəb Tayyib Ərdoğanla Rusiya Prezidenti Vladimir Putin arasında yarım saatlıq telefon danışığı olub.

Axar.az Türkiyə mətbuatına istinadən xəbər verir ki, liderlər ikitərəfli əlaqələrin inkişaf etdirilməsi, Ukrayna böhranı və Krım tatarlarının problemlərini müzakirə ediblər.

Ərdoğan Putinlə danışığında 1915-ci il hadisələrinə də toxunub. O, Türkiyənin bu məsələdə tarixi faktların araşdırılmasından yana olduğunu vurğulayıb və Ermənistanın sülh çağırışlarına önəm vermədiyini deyib. Həmçinin Ermənistanın ortaq komissiya yaradılması barədə Türkiyənin təklifinə müsbət reaksiya vermədiyini xatırladıb.