Ana səhifə Gündəm |
Azərbaycan Dillər Universitetinin rektoru Kamal Abdullanın oğlu Mehdi Abdullayevə yeni vəzifə verilib.
Axar.az BakuPost-a istinadən xəbər verir ki, o, Əmək və Əhalinin Sosial Müdafiəsi nazirinin müşaviri təyin olunub.
Nazir Sahil Babayev bu barədə əmri bir müddət öncə imzalayıb.
Mehdi Kamal oğlu Abdullayev 1980-ci ildə Bakı şəhərində doğulub. Bakı Dövlət Universitetinin Hüquq fakültəsini və Dövlət Dillər Universitetinin Tərcümə fakültəsini bitirib.
Ədliyyə Nazirliyində aparıcı mütəxəssis, İstintaq İdarəsində müstəntiq işləyib. Milli Elmlər Akademiyasının İnsan Hüquqları İnstitutunda çalışıb. Prezident yanında Dövlət İdarəçilik Akademiyasında müəllim, baş müəllim, dekan müavini, prorektor olub. Hüquq elmləri doktorudur.
2009-cu ildə Azərbaycan Müəllimlər İnstitutunun beynəlxalq əlaqələr üzrə prorektoru vəzifəsinə təyin olunub.
5 iyun 2009-cu ildə Dağlıq Qarabağ Bölgəsinin Azərbaycanlı İcması İctimai Birliyinin birinci qurultayında İcmanın Əlaqələndirmə Şurasının sədri seçilib.
2010-cu ilin aprel ayında Azərbaycan Dövlət Pedaqoji Universitetinin beynəlxalq əlaqələr üzrə prorektoru vəzifəsinə təyin olunub.
Qeyd edək ki, Mehdi Abdullayevin anası AMEA Şərqşünaslıq İnstititunun direktoru Gövhər Baxşəliyevadır.
Tarix
2020.05.18 / 22:54
|
Müəllif
Axar.az
|