Yuxarı

İranın Qarabağ aktivliyi: nə baş verir? – Video

Ana səhifə Gündəm
12 Punto 14 Punto 16 Punto 18 Punto

09:09

Paşinyan hakimiyyətinin İsraildə səfirlik açmaq istəyi və qərbmeyilli siyasət aparması İranın maraqlarına ziddir. Buna görə də İran son günlər Qarabağla bağlı mövqeyini dəqiqləşdirməklə əslində İrəvana mesaj verir.

Bu sözləri Axar.az-a açıqlamasında politoloq Tofiq Abbasov son günlər İran İslam Respublikasının Azərbaycandakı səfirliyinin aktivləşməsi, ard-arda bəyanatlar verməsi və bu bəyanatlarda Dağlıq Qarabağ münaqişəsinin Azərbaycanın ərazi bütövlüyü çərçivəsində həllini dəstəklədiyini xüsusi vurğu ilə elan etməsini şərh edərkən deyib.

O bildirib ki, son aylar İranın xarici siyasətində Dağlıq Qarabağ münaqişəsi xüsusi yer tutur:

“Hətta bununla bağlı dəfələrlə həmsədrlik fəaliyyəti belə təklif olunub. Əslində, bu gün İranın Dağlıq Qarabağ münaqişəsinə maraq göstərməsi və son bəyanatlarda bu mövzunu aktuallaşdırması təbiidir. Bu, Ermənistanın qərbyönlü siyasətində İranın manevri kimi qiymətləndirilə bilər”.

Politoloq qeyd edib ki, bu gün İsrail-Azərbaycan münasibətləri Ermənistanın regionda işğalçı siyasətinə ciddi maneə törədir:

“Məhz bu səbəbdən Ermənistan hakimiyyəti İsraillə münasibətlərin inkişaf etdirilməsində son illər səyləri artırıb. Təsadüfi deyil ki, hətta İsraildə səfirliyin təsis edilməsi də gündəmdədir. Təbii ki, bu məsələ Azərbaycanı da narahat edir. Çünki İsrail Azərbaycanın strateji müttəfiqləri sırasındadır. Ermənistanın İsraildə səfirlik açması öz növbəsində İranın da maraqlarına ziddir. Ehtimal ki, bu səfirlik Qüdsdə açılacaq. Bu da İranın razılaşa bilməyəcəyi bir məsələdir. Digər tərəfdən, Ermənistan-İsrail münasibətlərinin qurulması İsrailin İranın şimal çıxışını bağlaması deməkdir. Buna görə də İran bu proseslərə biganə qala bilməz”.

Tarix
2020.05.23 / 11:39
Müəllif
Turan Rzayev
Şərhlər
Digər xəbərlər

ABŞ-ın bu addımları bizi məyus edir - Hacıyev

Bakı və İrəvan sülhə yaxındır, ancaq… - Hacıyev

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla