Azərbaycanlı hakerlər Ermənistan Səhiyyə Nazirliyinin e-mail ünvanını qıraraq 3 500 koronavirusa yoluxan və yoluxanlarla təmasda olanların məlumatlarını ələ keçirib.

Axar.az Avtosfer.az-a istinadən xəbər verir ki, bunu erməni media eksperti Samvel Martirosyan deyib.

Onun sözlərinə görə, hakerlər ələ keçirilən məlumatları internetdə yayıblar. S.Martirosyan bildirib ki, bu məlumat hələlik dəqiq deyil, ancaq vəziyyət həqiqətəuyğun görünür.

Qeyd edək ki, Ermənistanda indiyədək 16 004 nəfər koronavirus diaqnozu qoyulub. Onlardan 264 nəfər ölüb.