Ana səhifə Gündəm |
Türkiyədə prokurorun terrorçular tərəfindən öldürülməsi ilə bağlı senssasion detallar üzə çıxıb.
Axar.az xəbər verir ki, prokuror Məhmət Səlim Kirazın dəfn mərasimindən sonra çıxış edən Baş nazir Əhməd Davudoğlu terrorçuların "öldür" əmrini xaricdən aldıqlarını açıqlayıb.
Türkiyənin "Vətən" qəzeti isə hüquq mühafizə orqanlarından əldə etdiyi məlumatlara əsasən iddia edir ki, "vur" əmri terrorçulara Yunanıstandan verilib.
Səbəb isə DHKP-C təşkilatının lideri başda Hüseyn Fevzi Təkin olmaqla digər qurum rəhbərlərinin hazırda Yunanıstanda olmasıdır.
İkincisi isə əməliyyatda iştirak edən terrorçulardan Şəfəq Yaylanın böyük qardaşı Məhmət Yayla Türkiyədə bir sıra terror aktları törədib və o da hazırda Yunanıstanda yaşayır. Terrorçuların əməliyyat boyunca Yunanıstanla telefon əlaqəsi qurduqları açıqlanıb.
Qeyd edək ki, martın 31-də İstanbulun Çağlayan Ədliyyəsinə təşkil edilən hücumda terrorçular girov götürdükləri prokuror Məhmət Səlim Kirazı öldürüblər. Əməliyyatı təşkil edən iki terrorçu isə xüsusi təyinatlılar tərəfindən öldürülüb.
Tarix
2015.04.02 / 13:28
|
Müəllif
İlham Sahiloğlu
|