"Ukrayna konfliktinin həll olunmasının Qarabağ konfliktində inkişafa səbəb olacağını deyə bilmərəm, amma əvəzində bilirəm ki, bu konflikt həll olunmazsa, Qarabağda irəliləyiş olmayacaq".

Axar.az xəbər verir ki, bu sözləri Ermənistanın "168 JAM" qəzetinə müsahibəsində ABŞ-ın Azərbaycandakı eks-səfiri Metyu Brayza söyləyib.

O, Qarabağ konfliktinin həlli üçün inkişafa ehtiyac yarandığını bildirib:

"Cənubi Qafqazda Qarabağ konfliktinin sülh yolu ilə həlli üçün aparılan danışıqlar prosesində inkişaf olmalıdır. Bundan başqa, Ermənistan-Türkiyə münasibətlərində də inkişaf olması vacibdir ki, Ermənistan təcrid olmaqdan qurtulsun. Mən demirəm ki, bu iki proses bir-birinin ardınca və ya paralel şəkildə ola bilər. Sadəcə olaraq, əminəm ki, proseslərdən birindəki inkişaf digərinə də təsir edəcək. Bu iki prosesi yalnız irəliyə aparmaq lazımdır".