Güney Azərbaycanın Şərqi Azərbaycan əyalətinin 360 kəndində artıq yaşayış yoxdur.

Axar.az xəbər verir ki, bu barədə Şərqi Azərbaycan valiliyinin kəndlər üzrə şöbəsinin müdiri Tağı Kərəmi bildirib.

Kərəmi Şərqi Azərbaycan əyalətinin 3077 kəndindən 2709 kəndində yaşayışın olduğunu bildirib.

İran hakimiyyətinin Azərbaycan türklərinə qarşı yürütdüyü ayrı-seçkilik siyasəti nəticəsində Güney Azərbaycanda yaşayan əhali iqtisadi problemlərdən dolayı öz yaşayış yerlərini tədricən tərk edir və işləmək üçün fars bölgələrinə köçür. Bunun nəticəsində isə hər il onlarla Azərbaycan kəndi boşalır.

Bu problem uzun illərdir ki, öz həllini tapmır.

Həmədan valiliyi 2016-cı ildə əyalətin 320 kəndinin boşaldığını açıqlamışdı. Qeyd edilmişdi ki, Həmədan əyalətində son illərdə əhalinin köç etməsi nəticəsində kənd sakinlərinin sayı 30 faiz azalıb.