"Ukrayna "erməni soyqırımı"nı tanısa Azərbaycanı itirəcək".

Axar.az xəbər verir ki, bu açıqlama ilə politoloq Elxan Şahinoğlu öz Feysbuk səhifəsində çıxış edib.

O, Ukrayna prezidentinin soyqırım sənədinin qəbul olunmasına izn verməyəcəyini bildirib:

"Ukrayna parlamentində deputatlardan biri "erməni soyqırımı"nın tanınması ilə bağlı məsələ qaldırıb. Mən əminəm ki, Ukrayna prezidenti və Baş naziri bu cür avantüraya imkan verməyəcəklər. Belə bir sənədin qəbul olunması ilə Ermənistan Ukrayna üçün dost ölkə olacaq. Amma maraqlı məqam ondan ibarətdir ki, İrəvan özlüyündə Kremldən asılıdır və buna görə də Rusiya rəhbərliyi heç bir zaman Ermənistanın Ukrayna ilə yaxınlığına imkan verməyəcək. Belə bir sənəd qəbul olunarsa Ukrayna nəinki Türkiyəni hətta Azərbaycanı da itirəcək. Kiyevə bu lazımdırmı?"