Rusiya və Ermənistan xarici işlər nazirləri Sergey Lavrov və Edvard Nalbandyanın Moskvada keçiriləcək görüşü zamanı Dağlıq Qarabağ münaqişəsinin həlli məsələsi müzakirə olunacaq.

Report xəbər verir ki, Ermənistanın xarici işlər naziri aprelin 7-8-də S.Lavrovun dəvəti ilə Moskvaya səfər edəcək.

Görüş zamanı nazirlər BMT, ATƏT, QDİƏT və digər beynəlxalq qurumlar çərçivəsində iki ölkənin xarici siyasət sahəsində fəaliyyətinin koordinasiya olunması məsələlərini müzakirə edəcəklər. XİN mətbuat xidmətinin məlumatına görə, ATƏT-in Minsk qrupunun digər həmsədrləri ilə yanaşı Rusiyanın da fəal vasitəçi kimi çıxış etdiyi Dağlıq Qarabağ münaqişəsinin həlli mövzusu ətrafında fikir mübadiləsi aparılacaq.

RF XİN-dən bildiriblər ki, Edvard Nalbandyanın Moskvaya səfər proqramında həmçinin Dövlət Dumasının sədri Sergey Narışkin ilə görüş də nəzərdə tutulub.