Azərbaycan Dövlət Televiziyasında bəzi dəyişikliklər olub, işdən göndərilənlər də var.

Publika.az-ın məlumatına görə, AzTV-nin bədii rəhbəri Etibar Babayev, rejissor Elnur Məmmədov və "Səhər" musiqili informasiya proqramının baş rejissoru Rəsul Ələkbərovun artıq kanalla əlaqəsi kəsilib.

Bundan əlavə "İdman Azərbaycan" kanalının baş direktoru Elsevər Dünyamalıyev Azərbaycan Televiziyasının baş proqram direktoru təyin olunub. Bununla bağlı ilk xəbəri qurumun keçmiş əməkdaşı, rejissor Kamal Almuradlı sosial şəbəkədə yazıb.
.
Azərbaycan Televiziya və Radio Verilişləri Qapalı Səhmdar Cəmiyyətinin mətbuat katibi Xatirə Qasımlı bildirib ki, Kamal Almuradlının adını çəkdiyi işçilərin hamısı öz istəyi ilə işdən gediblər.