Ana səhifə Gündəm |
"Ermənistan heç vaxt Türkiyəyə "erməni soyqırımı"nın tanınması şərtini irəli sürməyib".
Axar.az xəbər verir ki, bu açıqlama ilə Ermənistan lideri Serj Sərkisyan çıxış edib.
Onun sözlərinə görə, bir müddət əvvəl Sürixdə Ermənistan və Türkiyə arasında əldə olunmuş razılığın şərtlərini rəsmi Ankara yerinə yetirməyib:
"Türkiyə parlamenti Sürix protokollarını ratifikasiya etmədi. İkinci cəhd az əvvəl qəbul olundu. Mən Türkiyə rəhbərliyinə məktub göndərdim və 24 aprel mərasimində iştiraka səslədim, amma Türkiyə rəhbərliyi bu dəfə də həmişəki kimi etiraz etməklə bərabər, əks addımlar ataraq, Çanaqqala zəfərinin 100 illiyinə tədbirlər planlaşdırdı".
Qeyd edək ki, Ermənistan Sürix protokollarının həyata keçirilməsi üçün ilk növbədə Ankaradan "erməni soyqırımı"nın rəsmən tanınmasını və onun qurbanlarına kompensasiya ödənilməsini təklif etmişdi. Ankara isə bunun qarşılığında Azərbaycan torpaqları azad olunmayana qədər Ermənistanla sərhədləri açmayacağını bildirmişdi.
Türkiyə Azərbaycanın ərazilərinin işğal olunmasına və bir milyondan artıq insanın öz yurd-yuvasından didərgin düşməsinə görə 1993-cü ildən Ermənistanla sərhədləri bağlı saxlayır.
Tarix
2015.04.08 / 08:20
|
Müəllif
İlkin Həsənov
|