12:52

Türkiyə Azərbaycana yönəlmiş təxribatlara qarşı bundan sonra da qardaş ölkəmizin yanında olmağa davam edəcək.

Bunu Axar.az-a açıqlamasında Türkiyə Böyük Millət Məclisinin üzvü, İsmir millət vəkili Atilla Sertel deyib. Türkiyəli siyasətçi Azərbaycan-Türkiyə hərbi təlimlərinin də buna bariz nümunə olduğunu söyləyib:

“Naxçıvanda, Bakıda və digər bölgələrdəki birgə təlimlər bir daha bunun təsdiqidir. Biz qardaşıq. Bu qardaşlıq bayraqlarımızın dalğalandığı müddətdə davam edəcəkdir. Azərbaycanın sərhəd bölgəsində törədilən təxibatları Türkiyədəki insanlarımız da diqqətlə izləməkdədir. Türkiyə xalqı bu təxribatları qınayır. Türkiyə Cümhuriyyəti də hər zaman Azərbaycanın yanında olacaqdır. Hesab edirəm ki, bundan sonra da Azərbaycana qarşı hər hansı bir təxribat baş verərsə, Türkiyə diplomatik və hərbi müstəvidə qardaş ölkənin yanında olacaq”.