"Erməni lobbisi Türkiyəyə ilk zərbəni Vatikandan vurdu".

Axar.az xəbər verir ki, bu açıqlama ilə politoloq Elxan Şahinoğlu çıxış edib.

Onun sözlərinə görə, Azərbaycan Vatikanın hazırkı fəaliyyətinə göz yumsa Bakı ilə Ankaranın lobbi çalışmaları yox olacaq:

"Roma papası ayində "əsrin ilk soyqırımı ermənilərə qarşı həyata keçirildi" dedi. Gözlənilən idi. Çünki Romadakı həmin ayinə Ermənistan prezidenti də qatılmışdı. Serj Sərkisyan Vatikandan işarə almasaydı, Romaya getməzdi. Türkiyə artıq Vatikana nota verib, Vatikanın Ankaradakı təmsilçisi Xarici İşlər Nazirliyinə çağrılıb. Bəs Bakının reaksiyası necə olmalıdır? Axı erməni lobbisi və saxta soyqırım iddialarına qarşı Bakı ilə Ankara birgə mübarizə apacaqlarını açıqlamışdılar. Vatikan rəhbərinin erməni lobbisinə və Ermənistana bu şəkildə dəstəyinə göz yumsaq "əşi bunun bizə nə aidiyyatı var, bu Türkiyənin problemidir" desək, Bakı ilə Ankaranın birgə lobbi çalışmaları inandırıcılığını itirəcək".