Ana səhifə Gündəm |
Paşinyanın Xocalı faciəsi ilə bağlı mövqeyi, onun sui-qəsd nəzəriyyələrdən birinə bağlılığı beynəlxalq ictimaiyyət üçün yeni xəbər deyil. Hələ ilin əvvəlində o, Azərbaycan Prezidenti İlham Əliyevlə Münhen Təhlükəsizlik Konfransında diskussiyası zamanı “bunu azərbaycanlıların özü edib ki, ermənilərin üstünə atsınlar” deyə bildirmişdi.
Bu sözləri Axar.az-a açıqlamasında İqtisadi və Siyasi Kommunikasiyalar Agentliyinin eksperti Aleksey Qromski Ermənistan Baş naziri Nikol Paşinyanın BBC-yə müsahibəsi zamanı jurnalistin Xocalı ilə bağlı sualı qarşısında çətin vəziyyətə düşməsini şərh edərkən deyib. Onun sözlərinə görə, Paşinyanın bu cür mövqeyi onun beynəlxalq arenada ağır vəziyyətə salır:
“Erməni qüvvələrinin Xocalıdakı fəaliyyətini qınayan xarici aktların sadə sıralanması başa düşməyə imkan verir ki, bu hərbi cinayətdə ittiham edilən dövlətin başçısı faktları nümayiş etdirməyə hazır olmalı, konkret şəxslərin günahı təsdiqlənərsə isə onları cəzalandırmalıdır. Özünü beynəlxalq arenada demokratiya göyərçini kimi təqdim etməyə çalışan Paşinyanın keçmişdə baş verən günahları sələfləri Sərkisyan və Köçəryanın üzərinə atmaq və bundan udmaq istəməməsi çox qəribədir. Bunun yerinə erməni baş nazir həmin hakimiyyətin ən pis əlamətlərini qəbul edir”.
Tarix
2020.08.14 / 17:10
|
Müəllif
Zaur Mehdiyev
|