Aprelin 20-də Azərbaycan Demokratiya və İnsan Haqları İnstitutunun rəhbəri Əhməd Şahidov Xorvatiyanın paytaxtı Zaqreb şəhərində bu ölkənin Ombudsman İnstitutunda olub.

ADİHİ-dən Axar.az-a verilən məlumata görə, Xorvatiya Ombudsmanı xanım Lora Vidoviç ilə görüşən Əhməd Şahidov Dağlıq Qarabağ münaqişəsi barədə danışıb. Təşkilat sədri daha sonra kəlbəcərli əsirlər haqqında məlumat verib və azərbaycanlı əsirlərdən bəhs edən "Bizi əzirlikdən qurtarın" adlı çoxdilli ensiklopedik kitabı Xorvatiya Ombudsmanına təqdim edib.

Görüş zamanı ADİHİ ilə Xorvatiya Ombudsman İnstitutu arasında gələcək əməkdaşlıq perspektivləri müzakirə olunub.