"Avropa İttifaqının atdığı addımlar uzun müddətdir ki, Nabukko ilə bağlı aparılan danışıqlarla üst-üstə düşmür".

Axar. xəbər verir ki, bu haqda Azərbaycan Respublikası Prezidenti Administrasiyası rəhbərinin müavini, Xarici əlaqələr şöbəsinin müdiri Novruz Məmmədov özünün Tvitter səhifəsində yazıb.

"Avropa İttifaqı elə addımlar atmalıdır ki, tərəfdaşlarında onun etibarlılığına və səmimiyyətinə olan inam azalmasın. 7-8 il ərzində Nabukko ilə bağlı verilən təkliflər və aparılan danışıqlar isə bunu təsdiq etməyə imkan vermir. İndi artıq Nabukko tamam unudulub, görəsən Avropada belə məsələlərə əhəmiyyət verilir?".

Qeyd edək ki, Xəzər bölgəsi və Orta Şərq təbii qaz ehtiyatlarını Avropa bazarlarına çatdırmağı nəzərdə tutan Nabukko qaz kəməri layihəsinin ümumi dəyəri 7,9 mlrd. avrodur.

Xatırladaq ki, Rusiyanın "Cənub axını" kəmərinə alternativ hesab olunan "Nabucco" kəməri layihəsi 2013-cü ildə Avropa Komissiyası tərəfindən rəsmən ləğv edilib.