Bu gün Ermənistanda Baş nazir Nikol Paşinyanın istefası tələbi ilə növbəti yürüş-mitinq keçirilib.

Axar.az xəbər verir ki, aksiya iştirakçılarının son dayanacaq yeri Respublika meydanı olub.

Qeyd edək ki, Ermənistanda artıq bir neçə gündür silsilə aksiyalar keçirilir. Gömrük rüsumlarının qalxması, Təsil nazirinin parlament çıxışına etiraz, fövqəladə vəziyyət rejiminin 11 yanvar 2021-ci il tarixinədək uzadılması səbəbindən iş yerlərini itirən və aclıqla üzləşənlərin ölkədən getmək tələbləri, eyni zamanda, siyasi hakimiyyətin iqtisadi çöküşün qarşısını ala bilməməsindən narazı olanların müxtəlif tələblərlə və fərqli aksiyaları gün ərzində İrəvanda davam edir.