Ana səhifə Gündəm |
Regionda baş verən hadisələr fonunda yaranmış belə bir mürəkkəb vəziyyətdə Xarici İşlər naziri Ceyhun Bayramovun Gürcüstan səfəri çox əhəmiyyətlidir.
Bu sözləri Axar.az-a açıqlamasında politoloq Fikrət Sadıqov Xarici İşlər naziri Ceyhun Bayramovun Gürcüstana rəsmi səfərinişərh edərkən deyib.
Fikrət Sadıqov bildirib ki, Türkiyə və Rusiyadan sonra hazırda baş tutan Gürcüstan səfəri Azərbaycanın qonşu ölkələr ilə arasında olan münasibətlərə böyük önəm verdiyini bir daha göstərdi:
“Gürcüstanla həm tarixi, həm geosiyasi, həm də regional münasibətlərimiz kifayət qədər sıxdır və hər iki tərəf buna böyük önəm verir. Bəzən müəyyən problemlərin baş verməsinə baxmayaraq, Gürcüstan hakimiyyəti tərəfindən Azərbaycanın maraqlarına uyğun addımlar atılır. Biz bunu yüksək qiymətləndiririk və əlbəttə ki, bu münasibətləri bundan sonra da inkişaf etdirməliyik. Şübhə etmirəm ki, Ceyhun Bayramovun Gürcüstan hökumətinin rəsmiləri ilə görüşü, xüsusi ilə də Baş nazir və Prezident tərəfindən qəbul olunması və bir sıra məsələlərin müzakirəsi ikitərəfli əlaqələrin inkişafına böyük töhfə verəcək”.
Tarix
2020.09.25 / 11:32
|
Müəllif
Xədicə Nəbiyeva
|