Xəbər verdiyimiz kimi, sentyabrın 27-də səhər saat 06:00 radələrində Ermənistan silahlı qüvvələri atəşkəs rejimini kobud şəkildə pozub. Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bu haqda bəyanatla çıxış edib.

Bəyanatda göstərilir ki, Ermənistan silahlı qüvvələri Azərbaycanın cəbhəyanı bölgələrində yerləşən, əhalisi sıx olan zonalarında yaşayan mülki şəxsləri bilərəkdən atəşə tutur.

Xatırladaq ki, Prezidentin köməkçisi Azərbaycan silahlı qüvvələrinın əks-hücum əməliyyatına başladığını da bildirib.

Axar.az xəbər verir ki, Hikmət Hacıyevin bəyanatı bu gün Avropa İttifaqının “EU Politics” nəşrində “Bakı İrəvana son şans verir” başlığı ilə dərc edilib.