Sosial şəbəkələrdə erməni istifadəçilərdən biri özlərini ifşa edən və terrorçu mahiyyətlərini əks etdirən paylaşım edib.

Axar.az Hit.az-a istinadən xəbər verir ki, "syriahay” adlı erməni Tvitterdə video paylaşıb və Suriyadan Ermənistana və Qarabağa gətirilən ermənilərin görüntülərini paylaşıb. O, həmin videoya bu başlığı yazıb:

"Suriyadan olan ermənilər və könüllülər Qarabağa yola düşür”.

O, videonu paylaşdığına görə digər erməni izləyicilər tərəfindən kütləvi şəkildə şikayət edilib. Həmin şəxs bir neçə dəqiqə sonra videonu silməyə məcbur olub.

Ancaq bu addımı ilə Suriyada yaşayan erməni terorçuların Qarabağa gətirildiyini təsdiq etmiş olub.

Xatırladaq ki, Suriyada yaradılan və YPG/PYD tərəfindən təlim keçilən ermənilər Azərbaycana qarşı döyüşlərdə iştirak etmək üçün Qarabağa göndərilib.