Ana səhifə Gündəm |
Azərbaycan Gənclərinin Ankara Həmrəyliyi (AGAH) İB-nin sədri Təbriz Raufoğlu Cümhuriyyət Xalq Partiyasının (CHP) sədrinin müavini və xarici əlaqələr departamentinin rəhbəri Əhməd Ünal Çeviközün “Habertürk” telekanalına verdiyi müsahibəsi ilə bağlı etirazını bildirib.
AGAH-ın mətbuat xidmətindən Axar.az-a verilən məlumata görə, AGAH sədri CHP funksionerləri ilə əlaqə saxlayaraq, partiya sədrinin müavini Ünal Çeviközün açıqlamasından təəssüfləndiyini və Azərbaycan ictimaiyyətinin dərin narahatlığını CHP rəhbərliyinin diqqətinə çatdırıb.
Bu reaksiyadan dərhal sonra Əhməd Ünal Çeviköz xüsusi bəyanatla çıxış edərək, verdiyi açıqlamanın Azərbaycana dəstəyin əleyhinə olduğu anlamına gəlmədiyini vurğulayaraq, “Can Azərbaycanın yanında olduğumuzu bildirir, Azərbaycanı dəstəkləyirik” deyə bildirib.
Qeyd edək ki, Ə.Ü.Çeviköv Türkiyənin Azərbaycanda səfiri vəzifəsində də işləyib.
Tarix
2020.09.29 / 16:51
|
Müəllif
Axar.az
|