Azərbaycan tərəfindən döyüşənlər arasında muzdlular, o cümlədən Suriyadan olan muzdlular yoxdur. Rəsmi Bakı Ermənistana qarşı döyüş fəaliyyətlərinin təşkilində yardım üçün heç bir hərbi struktura müraciət etməyib. Rəsmi İrəvan cəbhə xəttində məğlub olduğu üçün qüvvələr balansını hansısa formada dəyişməkdən ötrü yalan informasiyalara qaçmaq məcburiyyətindədir.

Bu sözləri Axar.az-a açıqlamasında rusiyalı analitik Denis Korkodinov deyib. Onun sözlərinə görə, Azərbaycan rəhbərliyi Cənubi Qafqazda gərginlikdə maraqlı olan özəl hərbi şirkətlər tərəfindən istənilən köməyi rədd edib:

“Ermənista hazırda yalnız bir qaydaya - “müharibədə bütün vasitələr yaxşıdır” prinsipini əməl edir. İşğal olunmuş ərazilərə nəzarəti itirməklə İrəvan həm də öz simasını itirir. Siz təsəvvür edin ki, erməni KİV-ləri bir neçə saat əvvəl video nümayiş etdirirlər ki, guya könüllülər erməni əsgərlərinə kömək üçün Xankəndinə soxulurlar. Əslində isə hər şey əksinədir. Rusiyanın “İzvestiya” qəzeti bu videonu paylaşaraq, Xankəndidən ermənilərin təcili evakuasiyasının həyata keçirildiyini bildirib. Hər şey aydındır. İrəvana indi yalan hava kimi lazımdır”.