"Qarabağı da belə bir iman və ruhla azad edə biləcəyik".

Axar.az xəbər verir ki, bu fikirlər millət vəkili Fazil Mustafaya aiddir. O, Çanaqqala zəfərini azsaylı mötəşəm qəhrəmanlıq abidəsi adlandırıb:

"Bu gün Türkiyədə 1915-ci il Çanaqqala zəfərinin 100 illiyi bayram olaraq qeyd olunur. Könül istərdi ki, həmrəylik olaraq bunu Azərbaycanda da qeyd edək və yalançı erməni soyqırımına öz atəşlərimizi göndərək. Düşünən insanlar anlayırlar ki, bu, həm də bizim bayramımızdır. Modern dünyada türklərin zəfər çaldığı azsaylı möhtəşəm qəhrəmanlıq tarixidir. O gün donanmalarla, silahlarla türklərin üzərinə gələnlər, bu gün "soyqırım" qərarları ilə gəlirlər. Bu qərarları da Çanaqqalada yedikləri şapalaq kimi mütləq yeyəcəkələr. Yetər ki, Çanaqqala imanına və ruhuna sahib bir millət ayaqda olsun. Qarabağı da belə bir iman və ruhla azad edə biləcəyik. Bu zəfərin mənasını dərk edən hər bir Vətən övladını təbrik edirəm. Dualarımız onlarladır, Vətən üçün şəhid olan bütün soydaşlarımızla!".