ABŞ Konqresinə Prezident Barak Obamanı Türkiyə-Ermənistan münasibətlərinin normallaşdırılmasına yardım etməyə çağıran qanun layihəsi təqdim edilib.

Axar.az xəbər verir ki, qanun layihəsinin müəllifi Nümayəndələr Palatasından Respublikaçı senat Pete Sessionsdur. "H.RES.226" nömrəli layihə dünən Nümayəndələr Palatasının Xarici Əlaqələr Komitəsinə göndərilib.

Qanun layihəsində Obama administrasiyasının 2009-cu ildən bu yana Türkiyə ilə Ermənistan arasındakı əlaqələrin normallaşdırılmasına çalışdığı bildirilib. Lakin diplomatik əlaqələrin yenidən qurulması ilə bağlı cəhdlərin uğursuz olduğu qeyd olunub.

Bu mərhələdə məsələnin həlli üçün Obama "Türkiyə-Ermənistan münasibətlərinin gələcək 100 ildə ədalətli, sabit və daimi irəliləməsi"nə kömək etməyə çağırılıb.