Ana səhifə Gündəm |
Ermənistan XİN Azərbaycanın fəaliyyətini konkret olaraq Ermənistan respublikasına qarşı aqressiya kimi qiymətləndirmir.
Axar.az xəbər verir ki, bu sözləri Ermənistan Xarici İşlər nazirinin müavini Şavarş Köçəryan İrəvanın KTMT-yə müraciət etməməsinin səbəbi barədə mediaya açıqlamasında deyib.
“KTMT-yə müraciət üçün Ermənistan aqressiyanı təsdiqləməlidir. Hazırda bu barədə danışmaq tezdir. Əgər belə bir hal olarsa, biz qeydə alması üçün əvvəlcə BMT-yə müraciət edəcəyik, daha sonra isə KTMT-yə”, - Köçəryan bildirib.
Qeyd edək ki, Ermənistan öz ərazisindən ballistik raketlərlə Azərbaycanın şəhərlərini və mülki əhalini vurur. Bu vaxta qədər Ermənistanın bu faşist əməlləri və vandalizmi nəticəsində 70-ə yaxın mülki şəxs həlak olub.
Azərbaycan isə Ermənistan ərazisinə cavab zərbəsi endirməyib, əvəzində Azərbaycanın ərazi bütövlüyü uğrunda savaşda Ermənistanın işğalçı ordusuna zərbələrini artırıb.
Tarix
2020.10.21 / 13:58
|
Müəllif
İlkin Həsənov
|