Torpaqlarımızın azad olması Ermənistan üçün təkcə siyasi və mənəvi yox, həm də iqtisadi böhran yaradacaq.

Axar.az xəbər verir ki, bunu müharibədəki məğlubiyyətin Ermənistan iqtisadiyyatına təsiri barədə danışan iqtisadçı Samir Əliyev qeyd edib. O bildirib ki, koronavirus və müharibə bu ölkədə böhranın daha da dərinləşməsinə səbəb olacaq:

“Koronavirusun ölkə iqtisadiyyatına vurduğu bəla aradan qalxmamış müharibəyə girən Ermənistanda qaçqınların artması, dəyər yaradan işçi qüvvəsinin büdcə yükü yaradan əsgərə çevrilməsi, əhalinin ölkəni tərk etməsi səbəbindən demokqrafik böhranın yaranması bu ölkənin iqtisadiyyatı üçün yaxın dövrdə baş ağrısına çevriləcək. Ona görə Ermənistan rəhbərliyi təcili danışıqlar masasına oturaraq qoşunlarının Azərbaycan ərazisindən çıxarılmasına başlamalıdır. Əks halda danışıqlarda mövqelərinin zəifləməsi ilə yanaşı ölkədə iqtisadi böhranın daha da dərinləşməsinə şahid olacaqlar. Tezliklə ölkənin beynəlxalq kredit reytinqlərinin pisləşməsi qaçılmaz olacaq”.