Ana səhifə Gündəm |
"Ermənistan Türkiyə ilə əlaqələrin normallaşması üçün heç bir zaman 1915-ci il hadisələrini ön şərt olaraq qoymayıb".
Axar.az xəbər verir ki, bu açıqlama ilə Ermənistanın Xarici İşlər naziri Edvard Nalbandyan çıxış edib. O, Vaşinqton ziyarətindən öncə jurnalistlərin suallarını cavablandırıb:
"Ermənistan Türkiyə ilə əlaqələrin normallaşması üçün heç bir zaman 1915-ci il hadisələrini ön şərt olaraq qoymayıb. Türkiyə ilə əlaqələrin normallaşması məsələsində bizim heç bir ön şərtimiz yoxdur. 2009-ci ildə Türkiyənin xarici işlər naziri Əli Babacanla İrəvanda çox uğurlu görüşümüz oldu və sərhədlərin açılması ilə bağlı ölkələrimiz arasında iqtisadi əlaqələrin normallaşmasını təmin edəcək iki protokol imzaladıq. Türkiyə protokolları təxirə saldı və indi yenə başladığımız yerə qayıtdıq".
Jurnalistlərin Ermənistanın Türkiyədən torpaq tələb etməsi ilə bağlı sualına isə Nalbandyan belə cavab verib:
"Bu iddianı Türkiyə ortaya atıb. Ermənistan heç bir zaman Türkiyədən torpaq tələb etməyib".
Qeyd edək ki, Ermənistan rəhbərliyi dəfələrlə əlaqələrin normallaşması üçün Türkiyənin 1915-ci il hadisələrini "soyqırım" kimi tanımaq məcburiyyətində olduğunu açıqlayıb.
Tarix
2015.05.08 / 10:28
|
Müəllif
İlham Sahiloğlu
|