Azərbaycan hərbçilərinin guya erməni qəbiristanlıqlarını təhqir etdiyini əks etdirən video saxtadır. Saxta deyilsə, Azərbaycan Prokurorluğu bütün günahkarları cəzalandıracaq.

Axar.az xəbər verir ki, bunu Prezident Administrasiyası İctimai-siyasi məsələlər şöbəsinin siyasi araşdırmalar və analitik təhlil sektorunun müdiri Fuad Axundov “Dojd” televiziyasının efirində deyib.

“Müharibə dövründə gözəl ssenari üzrə qurulmuş bir çox feykləri gördük. O ki qaldı bu kadrlara, hazırda heç nəyi dəqiq deyə bilmərəm. Forma sanki Azərbaycana məxsusdur, hətta, deyəsən, videoda Azərbaycan dilində danışılır. Mənim fikrimcə, bu video feykdir”, - deyə Fuad Axundov bildirib.