Yuxarı

Ermənilər Laçın şəhərindən çıxmır? – Detallar

Ana səhifə Gündəm
12 Punto 14 Punto 16 Punto 18 Punto

Ötən gün “Laçın icması”nın rəbəri Narek Aleksanyanın rus mediasına açıqlamasında onlara Laçın şəhəri və Ermənistanla sərhəddə yerləşən Zabux və Sus kəndlərindən hələ köçməməklə bağlı göstəriş gəldiyi haqda açıqlaması müzakirələrə səbəb olub.

Axar.az xəbər verir ki, Aleksanyan bu göstərişin “Xankəndidən” gəldiyini, amma dəqiq heç nəyin bilinmədiyini vurğulasa da, son gündə köç qərarının alınacağı halda köçməyin çətin olmayacağını da deyib. Çünki hələ müharibənin getdiyi vaxtda Laçın şəhəri də daxil olmaqla, rayondan erməni mülki əhalisinin böyük əksəriyyəti əşyalarını yığışdıraraq, çıxıb.

Maraqlıdır, Laçın şəhəri və Zabux və Sus (hər iki kənd Zabux kəndinin inzibati ərazisinə daxildir) kəndlərində ermənilərin qalmasının mümkünlüyü barədə ehtimal hardan yaranıb?

Məsələ bundadır ki, Ermənistanla Azərbaycanın Qarabağ bölgəsində yaşayacaq erməni icmasının əlaqəsini təmin etmək üçün saxlanılan “Laçın dəhlizi”nin eni 5 kilometrdir. Bu yola nəzarət də Rusiya sülhməramlılarındadır. “Laçın dəhlizi” Laçın şəhərindən və Zabux kəndindən keçdiyi üçün həmin ərazilərin “neytral zona” olacağı ehtimalı ortaya çıxıb.

Ancaq 10 noyabrda imzalanan Bəyanatda Laçın rayonunun tam boşaldılması nəzərdə tutulur. Ona görə də sual yaranır: ermənilər Laçın şəhərində necə qala bilərlər?

Bu barədə danışan erməni ekspertləri də Laçın şəhərində ermənilərin yaşama imkanlarının olmadığını qeyd ediblər.

Ermənistan Milli Elmlər Akademiyasının Tarix İnstitutunun direktoru Aşot Melkonyan deyib ki, Azərbaycan heç bir güzəşt etməyəcək:

“Zod (Söyüdlü – red.) qızıl mədəninin əhəmiyyətli hissəsinə girən və onu sərhədlərinə qatan Azərbaycan Ordusunun Laçın şəhərinə də girəcəyinə heç bir şübhə etmirəm. Onlar bunun üçün birgə Bəyanatı əsas götürəcəklər”.

Melkonyan bu məsələlərə rəsmi açıqlama verilməsini tələb edib.

İndiyə qədər isə heç bir rəsmi açıqlama verilməyib. Ermənistan rəhbərliyi bu cür ziddiyyətli məqamdan Laçın şəhərinin boşaldılmaması üçün istifadə etməyə cəhd göstərsə də, bunu birbaşa elan etməyib. Belə ki, bu barədə yalnız icma sədrinin açıqlaması və yaxud “Xankəndidən gələn tapşırıq” ümumi ifadəsi ilə Azərbaycanın mövqeyi yoxlanılır.

Azərbaycanın mövqeyi ilə üçlü Bəyanatda qəti şəkildə ifadə olunub.

Tarix
2020.11.28 / 12:35
Müəllif
Axar.az
Şərhlər
Digər xəbərlər

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla