Ağdamın Qiyasi kəndində 18-ci əsrə aid olan məscid ermənilər tərəfindən tövlə kimi istifadə edilib.

Axar.az xəbər verir ki, bunu Ağdamın məscidinin fotolarını paylaşan “National Geografic” jurnalının fotojurnalisti, Azərbaycan əsilli tanınmış fransız fotoqraf Rza Deqati qeyd edib. O bildirib ki, ermənilər işğal etdikləri ərazilərdəki məscidləri tövləyə çevirib:

“Mədəni, mənəvi və dini irsə qarşı vandalizm anlaşılmaz və qəbuledilməzdir. Müxtəlif münaqişələrdə bunun şahidi olmuşam. Son bir neçə gündə Qarabağda qəbiristanlıqların dağıdıldığını, evlərin yandırıldığını və məscidlərin tövləyə çevrildiyini gördüm. Ağdamın Qiyasi kəndində 18-ci əsrə aid olan məscid azərbaycanlılar tərəfindən tapılanda isə nəcislə dolu idi. Buranı tərk etməzdən əvvəl işğalçı götürə bildiyini götürüb və məscidə od vurub. Yenidənqurma və bərpa çox vaxt aparacaq”.