Rusiya sülhməramlı kontingenti Qarabağda sosial əhəmiyyətli obyektlərin ərazilərinin minalardan təmizlənməsi üzrə işləri davam etdirir.

Axar.az xəbər verir ki, bu barədə Rusiya Müdafiə Nazirliyi məlumat yayıb.

“Ötən gün ərzində ərazinin araşdırılması, Xankəndidə 10 saylı orta məktəbin ərazisindəki partlayıcı maddələrin axtarışı və təmizlənməsi başa çatdırılıb”, - məlumatda bildirilib.

Bundan başqa, elektrik enerjisinin, istilik təchizatının bərpası, həmçinin lazımi maddi vəsaitlərin təhlükəsiz çatdırılması üzrə işləri həyata keçirilib.

Yaxın zamanda rus sülhməramlılarının dəstəyi ilə digər təhsil müəssisələrinin də açılması planlaşdırılır.

Qeyd edək ki, mühəndis bölmələri Qarabağda 34 hektardan çox ərazini, 12 kilometrədək məsafəni minadan təmizləyib, 110-dan çox ev və sosial obyekti yoxlayıb, 1077 partlayıcını aşkarlayaraq zərərsizləşdirib.