Rusiya Müdafiə Nazirliyinin Beynəlxalq Minaəleyhinə Mərkəzinin hərbi qulluqçuları Qarabağdakı Rusiya sülhməramlılarının məsuliyyət zonasında yerləşən ərazini minalardan təmizləməyə davam edirlər.

Axar.az xəbər verir ki, bu barədə Rusiya MN mətbuat xidməti məlumat yayıb.

Bildirilib ki, "Uran-6" çoxfunksiyalı texniki kompleksin köməyi ilə Xocalıda yerləşən yaşayış məntəqəsinin 8 hektara yaxın ərazisi qısa müddətdə təmizlənib.

Ümumilikdə 38 hektardan çox ərazi, təxminən 12 kilometrlik yol, 100-dən çox ev və sosial obyekt minalardan təmizlənib, 1100-ə yaxın partlayıcı sursat aşkarnaraq zərərsizləşdirib.