23:07

İtkin düşdükləri hesab olunan erməni hərbçiləri sağdır və meşələrdə gizlənirlər.

Axar.az xəbər verir bu barədə Çiçəklənən Ermənistan Partiyasından deputat Naira Zöhrabyan Feysbuk səhifəsində yazıb.

Zöhrabyan bildirib ki, mütəmadi olaraq itkin düşmüş əsgərlərin valideynləri ilə görüşür. Və onlarda məlumat var ki, övladları sağdır və Hadrutun Çinarlı (Vəng) kəndinin ətrafında gizlənirlər.

“İtkin düşən əsgərlərdən birinin anası bildirib ki, təxminən 8 gün əvvəl meşədə gizlənən əsgərlərimiz 911 nömrəsinə zəng edərək kömək istəyiblər”, - Zöhrabyan bildirib.

Onun sözlərinə görə, “dqr” “rəsmisi” Vitali Balasanyan axtarış işlərinə başlanıldığını və bununla bağlı Rusiya sülhməramlılarının lideri Rüstəm Muradovla müzakirələrin aparıldığını deyib.

Bu gün Çiçəklənən Ermənistan Partiyasının daha bir deputatı, vitse-spiker Vaqe Enfiacyan Hadrut ətrafında hətta "atışmalar da olduğunu" iddia edib.

Qeyd edək ki, Hadrut Ordumuzun tam nəzarətindədir və səsləndirilən bu fikirlərin manipulyasiya olması ehtimalı çox yüksəkdir - xüsusilə "atışma" iddiası. Hər halda 30 ildir qurduqları dördqat müdafiə xəttinin bir həmlədə, Ermənistan ordusunun bir korpusunun isə bircə əməliyyatda məhv olduğunu erməni rəsmiləri özləri açıqlayıblar. Belə halda Hadrutda gizlənən bir dəstə silahlının Ordumuzla atışmaya cəsarət etdiyini demək üçün ancaq erməni olmaq lazımdır.