ABŞ Dövlət Departamenti Vaşinqtonla İrəvan arasında tərəfdaşlıq münasibətlərinin gücləndirilməsi üçün 150 min dollarlıq qrant ayıracaq.

Axar.az xəbər verir ki, bu məlumatı RT yayıb. Məlumata görə, vəsait iki ölkə arasında qarşılıqlı fəaliyyətin inkişafı proqramının reallaşdırılmasına xərclənəcək.

Dövlət Departamenti qrant verdiyi şəxsləri ABŞ-Ermənistan ümumi dəyərlərinin təbliği işinə, eləcə də regionda təhlükəsizliyin gücləndirilməsinə cəlb etmək niyyətində olduğunu bildirib.

RT regionda təhlükəsizlik dedikdə Azərbaycan və Türkiyə ilə erməni əhalinin dostluq münasibətlərinin bərpasının nəzərdə tutulduğunu vurğulayıb.