Ana səhifə Gündəm |
CHP lideri Kamal Kılıçdaroğlu HDP başqanı Səlahəddin Dəmirdaşa telefon açıb.
Axar.az xəbər verir ki, CHP lideri HDP-nin mitinqində olan partlayışla əlaqədar ona "keçmiş olsun" söyləyib. Ölənlərə başsağlığı verən Kılıçdaroğlu bildirib ki, seçkidə milyonlarla səs bir canın qarşılığı ola bilməz. Onun sözlərinə görə, Dəmirdaşın mitinqi təxirə salaraq hamını sakitliyə çağırması və təxribata uymamağa dəvət etməsi təqdiredici haldır.
Hadisə zamanı 2 nəfər həyatını itirib, yüzdən çox yaralı var. Sabah – 7 iyunda Türkiyə "sandıq başı"na gedir və parlamentin yeni tərkibini müəyyənləşdirir. Seçkiyə iki gün qalmış baş verən bu hadisə ölkə gündəminin baş mövzusuna çevrilib.
Müxalifət birmənalı şəkildə AKP hökumətini ittiham etmir. Bunun kənar qüvvələrin təxribatı olacağı da ehtimal olunur. Baş nazir Əhməd Davudoğlu isə açıqlamasında bu partlayışı Türkiyəyə qarşı bir hücum kimi qiymətləndirib.
Tarix
2015.06.06 / 13:54
|
Müəllif
Emin Aslanlı
|