Türkdilli Dövlətlərin Parlament Assambleyası (TÜRK PA) Türkiyədə baş tutan parlament seçkilərinin beynəlxalq standartlara uyğun keçdiyini açıqlayıb.

Axar.az xəbər verir ki, qurumun müşahidə heyətinin rəhbəri, millət vəkili Nizami Cəfərov 50-dən çox seçki məntəqəsində müşahidə apardıqlarını deyib.

Onun sözlərinə görə, seçkilər qardaş ölkənin ənənəvi demokratiyasına, konstitusiyaya və beynəlxalq standartlara uyğun şəkildə keçirilib:

"Seçkilər yüksək demokratiya mühitində keçirildi. Ümid edirik ki, bu seçkilər Türkiyə və türk dünyası üçün xeyirli olar".