"Nəticələr qardaş Türkiyədəki paradoksal mənzərənin gerçək inkasını ortaya qoydu".

Axar.az xəbər verir ki, bu açıqlama ilə analitik Vüqar Zifəroğlu çıxış edib. O, AKP-nin bir müddət sistem dəyişikliyini rəfə qaldırmalı olacağını vurğulayıb:

"HDP baraji keçdi. CHP bələdiyyə seçkilərində olduğu kimi bu dəfə də gözləntiləri doğrultmadı. Əqidəsinə sadiq sol seçici CHP-yə fətullahçı camaatla iş birliyini bağışlamır və səslər HDP-yə gedir. Bu, o deməkdir ki, Kılıçdaroğlunun getmək zamanı artıq çatıb və yaxın zamanlarda istefasının şahidi ola bilərik. MHP isə əksinə, hətta17 faizi də keçəcək. 12 il əvvəl itirdiyi səsləri geri qaytara bilməsi, bu partiyanı seçkinin əsas ünvanına çevirir, ola bilsin ki, hətta iqtidar koalisiyasına. Beləliklə, AKP təkbaşına iqtidar olmaq üçün lazım olan 276 millət vəkili sayını təmin edə bilməyəcək. Bu, həm də Türkiyə seçicisinin başqanlıq sisteminə "yox" deməsidir. İstənilən halda AKP iqtidarı hələ bir müddət də sistem dəyişikliyini rəfə qaldırmalı olacaq".